Kippur í NNW , 150 sm.sem kallast; Norð-Norð-Vestur

Sæl öll sem lesið auðlindina okkar, sú er að vísu ekki yfirgripsmikil á landsvísu en smá sýnis-

horn,.Auðlindin í Ríkisútvarpinu okkar er ekki talin með eftirsóknarverðum þáttum af þeim sem þar ráða ríkjum, kl, 07,05 á morgnana***!! vissuð þið það?? Það getur ekki verið gróðavænlegt samkvæmt þessu að flytja fréttir af starfsemi sem skilar þjóðinni arði, sem við teljum þó að geerist með þessu brölti okkar úti á sjó. En fótboltafréttir frá flestum löndum þar sem íslendingar sparka bolta, þar vantar alla jafna ekkert uppá ef einhver gaf   eina eða fleiri stoðsendingar* hvað þá heldur ef tuðran hefur nú ratað í netmöskvana, það hljómar verðmætara en ef fiskar rata í netmöskvana hjá okkur og öllum hinum sem fást við fiskveiðar.  Svo ég skrifi nú ekki um allt popplandið sem gefur af sér í hlutfalli við útvarps-sendingartíma!!!!  Allavega orðspor útávið  og vinnugleði hjá þeim atvinnuskertu ???**  Við köstuðum trollinu í gærmorgun og drógu í geg´n um torfu ca 5 mín og afraksturinn varð milli 4 og 500 tonn, ekki allur þar sem hann séður hann Addi Pé.Við dældum um borð til okkar stærstum hluta úr þessu holi og svo fengu Margrétarmenn ca 90 tonn.  Núna erum við að toga í 15-20 m/sek  og kvikuskakstri, vantar 200 tonn í frystilestina  og ríflega það úr sjó, gott að sinni.

                                                    Kv / Seán

Allt bíður síns tíma.                           landstímið líka+++

Enn blæs hann Kári** 15-20 m/sek

Sæl öll enn og aftur * fiskifréttir eru ekki margbrotnar þessa dagana, og veiðifréttir í gær og dag engar,  bræla í gær og bendir allt til þess að m/sek haldist 15 -20 út þennan sólarhring einnig, lukum vinnslu í gærmorgun  hráefnið orðið lélegt fyrir svokallaða manneldisvöru. Ölduhæð með þessum blæstri Kára er líkast til 8-10m, en skipið fer vel með sig og flestir duglegir að sitja og flatmaga! líka vakandi!!**Vélstjórarnir eru að vísu aldrei til friðs!!! finna sér alltaf eitthvað til að lagfæra, yrði  lítill afrakstur ef þeirra nyti ekki við,* að öðrum ólöstuðum** öllum hinum snillingunum í dekkvinnu og skipulagi á knattspyrnuliðum.*** 400 tonn eru frosin í lestinni og skortir um 300 tonn þar á til að ljúka frystingu, eitthvað verður af hráefni til bræðslu, svona til að G-þór verði ekki vondur á svip.

Læt þetta gott heita að sinni.

                                                Kv / Seán

Það er verst með hyggindin, sem maður öðlast með aldrinum, hvað lítill tími er til að nota þau.

Búið að frysta u.þ.b. 330 tonn.

Sæl öll ! Hér gengur ágætlega að veiða og vinna aflann, fengum 200 tonn+ s.l. laugardag og köstuðum svo aftur í morgun, mjög stutt tog og afraksturinn 400 tonn, erum vel settir með hráefni, sem geymist þó ekki mikið lengur en 30 tíma. Veðrið er milt, vindur 15 til 20 m/ sek og kvikuskakstur, en mennirnir í brúnni eru lagnir að sneiða hjá holunum, en verður þó á í messunni sem og öðrum sérfræðingum af og til.  Vilhelm Þorsteinss er mættur á svæðið  og enginn er einn þar sem hann er með í för, olían smá lækkar**. Liverpool steinláááá, og Arsenic skrikaði en M-utd  slapp með allt af silfurfatinu eins og oftast endranær!!!! Höfum aðeins þokast norður á við, rétt yfir 54°Nb, ríflega 200 sm vestur af Írlandi (norðantil).  

                                            Kv / Seán

Því minna sem menn hugsa, þeim mun meira tala þeir.

hvað með þá sem sjaldan þagna*******

Staður; 53° 45 mín Nb og 16°30 mín, Westur-lengd

Smá  fréttir af okkur; ferðin suður eftir gekk vel og svo var trollinu kastað í gær um 16,00, eftir smá hnökra, höfuðlínukakapallinn  slitnaði  í fyrstu tilraun og tafði það okkur um klukkustund, smá fínstillingar á liðinu** Híft aftur að ganga 6 eða 18, og þá sprautaðist út olía á einu af vindum skipsins, ( oft kallað glussaleki innan skips )  aðeins ríflegur um tíma en eftir smá hagræðingar hægði á lekanum og vel gekk að dæla um það bil 200 tonnum af kolmunna um borð, smá vinna fyrir vélaliðið !! ágætt fyrir þá að hreifa sig stundum!!! Vinnslan gengur ágætlega vel mannað og jaxlarnir fá að kasta mæðinni nokkrum sinnum á vaktinni. Í gær var hægviðri og 12 til 14° C,  viðbrigði frá svalanum á Íslandi, en þar er jú margt annað gott sem bætir þar um, í dag er sól og hreinlega  HLÝTT,.   

                                                    Kv / Seán

Viljir  þúu skynja eðli mannsins, þá taktu eftir, hvernig hann breytir við aðra**

Loðnuvertíð hófst varla!! en tók fljótt af!!

Sælt veri fólkið** Ekki  ætlar  Steingrímur Al-RÁðherra að vera svo útsjónarsamur að leyfa 50 þúsund tonn af loðnu í þetta sinn! Hefði ekki verið svo galið að láta Japsana hafa hrogna-fjörefni með hvalnum í ár** Kanske fá þeir allan pakkan með hvalnum sem étur jú loðnu ómælt!  En núna snýst allt um að lokka Davíð úr seðlabankanum, aðrar veiðar komast víst ekki að á meðan??            

Við tókum troll á Eskifirði í morgun og létum svo í haf, stefnan nálægt suðri og áfangastaður um það bil 700 sjómílur undan. Vestur af Írlandi utan 200 sm lögsögu þeirra, líkast til ekki snjókoma þar núna. Frétst hefur af ágætri kolmunnaveiði þar síðustu daga, verður vonandi enn  svo , þegar okkur ber að!!   Fengum  25 m/sek lens fyrstu tímana úr höfn og fór vel á því og gerir enn, eitthvað hægari núna.  Læt þetta gott heita að sinni, Liverpool vann víst í kvöld! góðir í bland***

                                                          Kv / Seán

Málamiðlun er listin að skipta kökunni þannig að allir telji sig hafa fengið stærstu sneiðina**

Steingrímur ertu ekki að grínast!!!!!!!!

Já Golli Jó er sestur við lyklaborðið eftir langa fjarveru, ég sá mig knúinn til að henda einni færslu inn áður er ég fer í fríið. Annars er það að frétta að við erum að landa í dag á Neskaupsstað og er það loðna og síld sem um ræðir en við erum að tala um eitthvað um 750 tonn + og ekki veitir af að skaffa gjaldeyristekjur á þessum síðustu og verstu. En ég var að koma af vakt nú um miðnættið þá hitti ég skipstjórann og ekki var sá maður ánægður með kvikindið af sléttunni (Steingrím J) svo ég vitni nú beint í samtalið "hvað  helduru að þíði að hafa kjarklausan bóndason að norðan í þessu ráðneyti" ég læt nú ekki meira fylgja vegna þess að það er ekkert aldurstakmark inn á þessa síðu. En þess má geta að framhaldið  er óráðið en við vonum að Steingrímur sjái að sér og gefi út kvóta eða er hann bara á móti öllu. En við Hákons menn biðjum að heilsa.

Golli Jó segir yfir og út.

Vitnað var í Guðjón Jóhannsson skipstjóra

Kastað skammt frá Kiðey,350 tonn++

Sæl aftur á láði og legi, við tókum að talið er lokakast á síld að sinni,  þegar bjart var orðið og fengum vel það sem vonast var eftir og erum lagðir af stað norður-um og svo austur til löndunar á Neskaupstað. Fáum vonandi blíðuveður fyrir norðan landið, þar er,  vissulega alltaf gott veður, lítið eitt misgott á köflum! svo sem flestir vita, þó ekki allir.    Framhaldið eftir löndun er ekki vitað af lægra settum enn! en kemur í ljós,  úr helginni!!!???

Hvers getur maður krafist meira en lítils garðs til að ganga í og ómælisvíddanna að dreyma um?

 nema frekjudósir!!!!

                                                                       Kv / Seán

 

Loðnuprufa síðan síldarskot.

Sæl þið sem lesið afla og atburðafréttir af okkur. Loðnuveiðin hjá okkur stóð stutt, köstuðum 2 x og fengum ca 250 tonn í hvoru kasti, lukum loðnufrystingu s.l. nótt. Köstuðum svo á síld, stutt undan Stykkishólmi  fyrir stundu og erum að enda ca, 300 tonna dælingu, talað um að fylla frystilestina og landa á Neskaupstað upp úr því.

Gelgjuskeiðið er sá tími í lífi barnsins, sem foreldrarnir verða erfiðastir viðfangs !!!***

                                                                 Kv / Seán

Löndun á Neskaupsstað

Jæja sælt veri fólkið.

Löndun fyrirhuguð á Neskaupsstað á morgun og svo verður væntanlega haldið til loðnuveiða á föstudaginn. Fórum reyndar í smá loðnuleitar-leiðangur á austurleiðinni, leituðum að loðnu norður og austur af Langanesi án árangurs.

Þökkum Oddu fyrir kveðjurnar, ástæða þess að sjaldan koma myndir inn á bloggið er einfaldlega sú að það tekur óratíma að hlaða þeim inn einhverra hluta vegna, þrátt fyrir að þær séu minnkaðar. Nú og Gullkornin þau eru eiginlega algjört hernaðarleyndamál.

 

Gullkorn dagsins er "Ef bros gerir andlitið vingjarnlegra, er það góður maður sem á í hlut. Ef bros óprýðir frítt andlit, skaltu vara þig."

Og með þeim orðum kveður Múffi og fer í frí.

Síldarvertíðinni lokað með style.

Jæja gott fólk þá er nú farið að hylla undir lokinn á þessari síldarvertíð hjá okkur. Tókum síðasta kastið í gær og reyndist það vera nóg til að fylla hjá okkur 1-2-og 4 lestarnar og svo dældum við um 500 T í Margrétina.

Lögðum af stað norður fyrir í gærkvöldi og er ætlunin að landa á Neskaupstað seinnipart vikunnar.  

Nú hlýtur loðnan að fara að láta á sér kræla svo hægt verður að gefa út einhvern byrjunarkvóta, ekki er mikill áhugi á því hér um borð að fara að veiða þetta kreppukóð (Gulldeplu) sem meiri hlutinn af flotanum virðist vera kominn á.

Gullkorn dagsins er:"Þeir sem elska heitt eldast aldrei. Þeir deyja ef til vill úr elli, en þeir deyja samt ungir."

Og með þeim orðum kveður Múffi