Bjarnareyja-fréttir

Jæja gott fólk þá kemur aðeins meira blogg.  Erum að hífa nú í þessum rituðum orðum með 4-punga rauða. Fengum ágætis hol  í gær fylltum 2-3 og 1-sb. Vorum komnir með rúm 400 T í frystinn síðast á miðnætti. Vinnslan hefur gengið alveg með ágætum nokkuð hnökralaust að mestu.

Við fengum ekki nema tvö svör við spurningaleiknum sem brytinn okkar hleypti af stokkunum í síðustu bloggskrifum og voru þau bæði röng. Guadeloupe er  frönsk eyja í vestur-indíum. Sá er svaraði að Guadeloupe væri útstímssúpa er búinn að vera  illa haldinn af magakveisu síðustu daga.

Næsta spurning í spurningaleik brytans er : Hvað er Guacamole?

A: Eyja í Jómfrúar-eyjaklasanum.

B: Frjósemislyf.

C: Lárperumauk.

D: Eldfjall í Mexíco.

Lesendur er hvattir til að spreyta sig á þessum spurningum, brytinn varð frekar sár yfir dræmum undirtektum.

Læt hér fylgja með tvær myndir af sólarlagi/sólaruppkomu 140 sm sunnan við Bjarnarey.

 

 

 

 

 

 

 

 

 

 

 

 

 

 

 

Gullkornið verður: "Eiginkonan er móðir þín og barnanna."

Múffi kveður í bili.

Athugasemdir

[Guðmundur (IP-tala skráð) 17.11.2009 kl. 20:41]

C og er frá Mexíco

[Alfreð (IP-tala skráð) 17.11.2009 kl. 21:48]

C Doddi

[Aðalsteinsson (IP-tala skráð) 17.11.2009 kl. 21:54]

Svar. C og verður í hádeginu á sunudag.

[Brói Alla (IP-tala skráð) 17.11.2009 kl. 22:03]

Það er c og er frá Mexíco og Spáni.