Haldið til hafs á ný.

Góðan dag! Þá erum við lausir allra mála í Noregi. Það fór svo að gerð var dómssátt í málinu og sektargreiðslur fyrir að hafa verið að veiðum inná  friðuðuðu svæði. Sektargreiðslur voru í samræmi við þann afla sem hvert skip aflaði í hinu lokaða svæði þannig að í þessu tilfelli hefði verið best ef það hefði verið tregfiskirí, sem var ekki í okkar tilfelli.  En nú er þessum kapítula lokið og vonandi verður hann til þess að menn dragi lærdóm af honum.

 Fórum frá Fugleyjarfirði upp úr átta í gærkvöldi áleiðis til síldarmiða. Okkur vantar rúm 100 tonn í frystinn og standa vonir til að afli til að fylla það skarð náist í dag. Marri kveður og segir yfir og út.

Spakmælið: Oft eru það smælingjarnir, sem leggja til efni í blómsveig mikilmennisins.

Athugasemdir

[halla húsfrú (IP-tala skráð) 29.10.2008 kl. 14:43]

Sælir,

Síðustu tvö spakmæli sérlega vel valin!!

gott að þið eruð lausir, gangi ykkur vel með afganginn

kv. Halla andra kella 

[halla húsfrú (IP-tala skráð) 30.10.2008 kl. 18:20]

hvenær er heimkoman  ca. áætluð?

kv. Halla J.