Karlarnir á landleið.

Jæja gott fólk þá er enn eitt landstímið hafið. Hífðum í gærkvöldi u.þ.b. 300 T og lögðum af stað í land um kl 23:00. Frystilestin full 700T og u.þ.b. 1200 T af gúanói.

Ættum að vera komnir í land í Fuglafirði í Færeyjum  á miðvikudagskvöldið, gúanólöndun aðfaranótt fimmtudags og frystilöndun samfara því út aftur í annan túr seinni part fimmtudags.

Heyrst hefur á göngunum að áhafnarskiptum verði frestað þar til eftir næsta túr.

Gullkorn dagsins er: "Þakklætið er mál hjartans"

Fjórða erindi í þroskasögu karla er:

Frá tvítugu til þrítugs blómstrar lífsins leikur
löngunin er stöðug og andi holdsins veikur.
Þú lætur eins og knapi á ljónfjörugum hesti
þig langar til að gera það á klukkutíma fresti.

Múffi segir yfir og út.

Athugasemdir

[Áhöfnin á Hákon EA-148, 1.4.2008 kl. 18:51]

Sælir félagar! Rokgangur á þessu hjá ykkur. Er nokkuð 1 apríl í Múffa kallinum, þetta með löndun í Færeyjum:). Jæja maður sér það á morgun. bestu kveðjur Marri

[Högni Páll Harðarson, 1.4.2008 kl. 20:15]

Múffi er í því að toppa sig ekki bara að maður bíði spenntur eftir næsta gullkorni heldur er manni haldið gangandi með framhaldssögu kveðskap.

kveðjur til ykkar allra.