Borðsalsfréttir.

Jæja loksins loksins sér fyrir endann á þessu. Fengum í gær upp úr hádeginu rúm 100 T þannig að strákarnir gátu byrjað að frysta. Hífðum svo aftur eftir kvöldmat 300 T. Smá bræla í nótt en kastað aftur um vaktaskiptin í morgun og er útlitið bara nokkuð gott.  Þessi afli á að duga til að fylla frystilestina og svo er bara að bæta á í gúanó.

Hef það eftir manni sem ég mætti á ganginum sem hafði það eftir þriðja aðila að hugsanlega yrði landað frosnu á miðvikudag. Þess ber samt að gæta að þessar fréttir eru algjörlega úr lausu lofti gripnar.

Gullkorn dagsins er: "Sérhvað á sér sína orsök."

Múffi kveður yfir og út.

Athugasemdir

[Högni Páll Harðarson, 4.2.2008 kl. 00:17]

Hverjir semja gullkornin ! Maður er farinn að bíða spenntur eftir næsta "korni" !

Baráttu kveðjur.