Bræla og fiskleysi :-(

Sælt veri fólkið.  Það hefur nú ýmislegt á daga okkar drifið frá síðustu bloggfærslu. Það helsta að  yfirvélstjórinn okkar hann Sigurður Þorláksson varð fyrir því óláni að detta og handleggsbrjóta sig í leiðinni. Hann fékk far með Aðalsteini Jónssyni í land til aðhlynningar og heilsast eftir atvikum vel. Það var svo landað ríflega sjöhundruð tonnum af frosnum kolmunna í Neskaupstað 19. mars síðastliðinn og haldið aftur til veiða þá um kvöldið.  Skemmst er frá því að segja að það er búin að vera bræla síðan við komum á ætluð kolmunnamið og höfum við ekki bleytt í veiðarfærunum. Eitthvað er að slá á veðurhæð í augnablikinu en engan fisk að sjá. Áhöfninni er orðin nokkuð langeyg eftir fiski að handleika en lundarfarið er ennþá gott hjá flestum ef ekki bara öllum. Við viljum senda drottningunum í landi okkar bestu kveðjur og minna þær á að allir túrar taka enda:). Og með því kveður Marri og segir yfir og út.

Spakmælið: Jafnvel fegursta kona getur ekki gefið meira en hún á.

Es. Nú fer hver að verða síðastur að heita á okkur í hópakeppni mottumars, slóðina má finna hér á siðunni fyrir neðan. Vil ég skora á fyrirtækið að láta fé af hendi rakkna í þessa þörfu söfnun og um leið að þoka okkur hærra á listann í áheitakeppninni.

Athugasemdir

[rakel (IP-tala skráð) 23.3.2010 kl. 14:04]

takk fyrir góðar kveðjur,en ég tel mig vera ein af þessum drottingum sem nefndar voru í pistlinum hér að ofan :-) vona að ykkur fari að ganga betur í fiskiríinu.......... og hlakka endalaust mikið til að fá ykkur í land :-)

læt hér fylgja með vísu um nýgiftu hjónin sem gengur á netinu

Við tökum ei Jónínu Ben í sátt

þó allri synd hún hafni

fyrr má nú  aldeilis fá sér drátt

í frelsarins jesú nafni............

bestu kveðjur 

Rakel

[Áhöfnin á Hákon EA-148, 24.3.2010 kl. 11:06]

Já komið þið sæl og blessuð gollarinn hér, fiskleysið það er skýring á því það hlýtur að vera Krulli sem hefur þessi áhrif. Vonum að veður og veiðar skáni. Bestu kveðjur úr vinstri bak gollarinn.